【創造101】網絡女神林珈安靚爆鏡來頭勁 仲同彭于晏曖昧過？
撰文：陳栢宇
出版：更新：
內地大型偶像真人騷《創造101》將於下星期開播，101個練習生正蓄勢待發咁等正式同觀眾見面，而節目最後亦會選出11個成員組成一隊全新女團。其實一眾練習生裡面都有唔少比較熟嘅名，包括Popu Lady嘅寶兒（吳昀廷）、參加過《超級星光大道》嘅陳芳語（Kimberley），同埋我哋香港代表許請韻。不過，最最最Sharp嘅就唔係以上嗰幾位，而係現年27歲、來自台灣嘅林珈安（Lyla）。
雖然Lyla嘅facebook follower唔係好多，得嗰30幾萬咁，但係就真係好受歡迎，次次Share眼大大靚相都引嚟勁多人Like同留言。當古巨基、戴佩妮等知道佢有份參加《創造101》時更幫手拍片呼籲網友向Lyla「打Call」。而其實林珈安真係來頭唔細，曾經加入組合Roomie嘅佢單飛後就試過為自己作詞作曲，亦試過先後做李玟、陳志明同庾澄慶等歌手嘅MV女主角。除咗拍戲拍劇，佢都係設計師，有一個自家製嘅飾品品牌。不過，最把炮嘅都係因為三年前佢被台灣傳媒影到入彭于晏屋企，因而傳佢同男方拍拖，當時啲傳媒仲讚佢係「顏值高360度無死角」，好彩緋聞都係傳咗半年咁多，令一眾「彭太」好安心。
其他林珈安嘅靚相：
+27