張繼聰搞笑源頭來自太太？ 謝安琪：我覺得我風趣幽默過佢囉
撰文：賴家杰
出版：更新：
謝安琪與王君馨今日出席時尚品牌活動，二人都為這個品牌一齊合作拍廣告，她們講到全因為這次合作，讓二人成為好朋友，私下傾偈的內容，主要是圍繞Kay照顧小朋友的生活趣事。
君馨講到到要征服一個男人先要征服佢個胃，問到Kay如何征服老公張繼聰，Kay笑說：「點樣征服張繼聰呀，咁害羞嘅事點樣講岀嚟呀？」
而最近潮流好興「佛係乜乜乜」，而張繼聰日前就喺社交網站講到自己係「佛系接老婆收工」，好多網友就直言張繼聰係一個好風趣幽默嘅老公，但Kay就否認佢風趣幽默：「其實我覺得我本人比較好笑啲囉，因為佢平時生活嘅笑料都係來自於我，我帶俾佢好多歡樂。」，至於問到Kay覺得自己最搞笑嘅本領係乜嘢，佢就選擇不回答，因為搞笑呢樣只限俾老公，唔知道阿聰聽到呢一句會唔會好sweet呢？
+2
Kay近日在社交網站分享自己日常做運動嘅動態，談及做運動方面已經成為習慣，她表示以前肺唔好，而家想根治佢。Kay之後還透露令到所有粉絲都會興奮的好消息：「宜家都有好多計劃同Juno傾緊，都主要係專輯嘅事情，可能5月就閉關，希望5，6月可以推出新歌俾大家聽到。」