【熱血街舞團】陳偉霆雞冠頭現身驚艷全場 網友：向謝霆鋒致敬？
撰文：洪曉璇
出版：更新：
潮流從來都係一個循環，無論係衣著髮型都係一樣，只要你快人一步就會成為潮人。謝霆鋒1月喺台灣頒獎禮擔嘉賓，勁ROCK彈結他都不及佢嘅雞冠頭咁搶眼，01年出席叱咤頒獎禮咪係以呢個LOOK示人囉﹗唔知係咪見效果好夠出眾呢，同門師弟陳偉霆於內地節目《熱血街舞團》，最新一集都以雞冠頭亮相，跳舞都聞風不動，好硬淨喎。
陳偉霆霸氣做《熱血街舞團》導師：街舞是我堅定不移的初心【熱血街舞團】鹿晗跳得最好優先「揀卒」 陳偉霆輸咗即刻掩面
《熱血街舞團》由陳偉霆、鹿晗、王嘉爾和宋茜四位跳得之人擔任「熱血召集人」。William北上發展後一直拍戲為主，但大家唔好忘記佢係跳唱歌手出身，佢對跳舞嘅嗰份執著同享受，真係用錢都未必買得到。第一集播出時已經見到佢嘅髮色由粉紅變做銀白，最新一集又為大家帶來驚喜，以雞冠頭示人，同霆鋒年初造型真係好似呀﹗當時霆鋒就拍片話俾大家知，自己用熨斗set頭，難怪呢日都有網友笑言：「是否謝霆鋒幫你熨的？」