【逆緣】黎耀祥示範女婿生存之道　對岳母使幾萬真係當避難

看完昨晚首播的無綫新劇《逆緣》後，腦海突然回想起幾年前熱爆網絡的公屋潮文──《女朋友帶你返屋企食飯》，以及由盧宛茵入木三分演出的短片《公屋●居屋●私樓》。

本來以為無論住公屋、居屋還是私樓，只要熬過了見家長時被單打的慘況，最後成功娶走人家女兒做太太，到時就可生米煮成熟飯一天都光晒。不過，當看過《逆緣》中黎耀祥與岳母馬海倫的相處，就知上述想法是多麼天真可笑，因為實情係就算到了婚後，你的外母雖不會再查你家宅，但會update你家人的家底，而且外母依然會以你的薪酬職級，以及有否「尊重」她老人家的意願，而決定單打你還是加餸俾你。

唔信？睇睇昨晚《逆緣》首播有關女婿與外母的情節吧：

黎耀祥因父親姜大衞一把年紀再婚並生育一事，與妻子江欣燕吵起來：「如果俾你阿媽知道呢件事我就攞命喇，佢一向睇我唔起，如果知道我老豆咁嘅情況，佢呢個世界單打冠軍實會打死我啊！」可見女婿岳母關係並不和諧，原因當然是岳母覺得女婿無出息。

黎耀祥本與江欣燕一同到外家吃飯，但因事遲了，期間江欣燕與母親馬海倫提起親家姜大衞，馬海倫最先關心的是：「乜親家老爺喺香港仲有銀行戶口咩？」錢，何時都是首要關心之列。

黎耀祥與岳母關係欠和諧只是枱面下的事，不會在表面上較勁，因此遲到的黎耀祥還是會特意去買岳母最愛的「滬三洋金華火腿」作孝敬。馬海倫當然高興，更打蛇隨棍上：「我幾十歲腰骨好重要，睇中咗張按摩椅兩萬幾，阿年（黎耀祥）好快升職做經理應該買得起。」這時候，一直被單打慣了的黎耀祥難得被讚，除了說「孝順岳母係應該嘅，明天就去買」外，還能說什麼呢？唯有安慰自己這些冤枉錢用得其所：「當係提前慶祝升職加薪。」

至於得償所願的馬海倫亦十分識do，立即去做女婿最愛吃的餸菜。她這一舉動，足令黎耀祥覺得數萬元的付出沒有白白浪費：「頭先食飯見岳母幾咁開心，不停舀啲咩醃篤鮮我食，笑容比平時好咗好多，所以有啲錢係要使嘅。」

最後，容許唱一句：「其實自己一個更開心……」