張文慈覺得TVB同ATV最大的分別：「一廠真係好大，我成日蕩失路」
撰文：李妍樺
出版：更新：
張文慈今日出席「A記同學會飯聚」，雖然曾經係ATV嘅身分，但佢依家已經轉台過咗去TVB拍劇，仲有份參與大台重頭劇《深宮計》，今次係佢參與嘅第二部劇：「其實之前一部都係客串，今次先真係算係拍劇，好新鮮啊感覺真係，未試過拍古裝劇，未試過去橫店，真係好多第一次。」
原來Pinky 之前喺ATV都未試過拍古裝，佢話TVB畀多好多新機會佢嘗試，由ATV轉TVB，張文慈感覺最唔同嘅就係覺得TVB好大：「一廠真係好大，我啱啱嚟嗰陣成日蕩失路。」好在今次《深宮計》都好多A記舊人有份拍，好似陳煒、張慧儀、謝雪心等，有老朋友好照應，「係啊，都好多舊人，但我就少同佢哋有對手戲，我同康華夾戲比較多，不過大家都夾得好好。本來諗住多女人會多是非，但又冇喎，我哋依家拍完仲會約出嚟食飯。」