【將夜】黎明29年後再拍古裝劇遇鄭少秋　51歲做唐王依然英氣逼人

近年唔少電影人都齊齊投向拍電視劇，章子怡﹑周迅﹑陳坤﹑劉嘉玲…未播就已經話題四起超期待。除了他們之外，天王黎明亦加入呢個行例，繼早前大家都知道，他相隔23年接拍內地巨制《莫語者》之後，原來他都有份拍史詩傳奇劇集《將夜》，劇組近日晒出他古裝帝王劇照，英姿霸氣令電視友超驚訝，皆因是他自1989年拍過古裝電視劇（晉文公傳奇）以來，相隔29年再拍古裝仍然帥氣逼人，更期待他的好演技。

《將夜》講到明是巨制當然唔少得一線演員，除了天王黎明之外，鄭少秋、胡軍、金士傑…都是主演者，今次黎明飾演英明神武的唐王李仲易，在劇中表現出心懷天下直率灑脫一面，與實力派演員同台鬥演技，而秋官則演夫子一角，不知二人有多少對手戲呢？

演技方面大家就唔太擔心，皆因只是睇兩張劇照就知，黎明目光深邃不怒而自威，低調中盡現帝王之氣，天生就有霸氣氣質，沉穩柔情的外表其實同李仲易不謀而合，儒雅又不失英氣，劇集未播黎明已經獲得一致好評，想必《將夜》唔紅都難。