張建聲曾欠20幾萬卡數賒借度日　哽咽自勉：冇磨練冇今日

現年35歲的張建聲 (Justin) 入行 8 年，去年憑網劇《反黑》飾演「招積」一角爆紅。成功背後其實滿載辛酸的淚與汗，但為了追尋理想，他咬實牙關，結果捱到《反黑》，終於在演技上獲得肯定。

日前Justin拍攝信貸廣告，藉着自己在娛樂圈八年抗戰的真實故事，跟一位夢想做演員的素人女生分享經歷。之前Justin為演出《壹獄壹世界：高登闊少踎監日記》而增肥 60 磅，之後減肥拍《反黑》，因為造型要幾度漂染搞到甩頭髮，及至去年又再增肥拍《真‧三國無雙》飾演張飛，為了演藝工作，可以說是博到盡，但就在他遇上《反黑》之前，竟然霉到盡。

對Justin來說，人生最難捱的時候，是父親的離世，憶起亡父他即眼泛淚光，「爸爸早幾年離開咗，係喺我事業衝刺嘅時候離開。當時我拍緊《壹獄壹世界》要增肥到 200 磅，已經冇收入又要增肥；爸爸當時癌症末期，每個月都要呃住媽咪，又要攞錢返屋企撐住頭家……自己又唔生性、冇儲錢，結果爭落廿幾萬卡數，好大壓力。」回想當日至親離開又爭人周身債，Justin 不禁哽咽說：「嗰段時間賒借度日，連一百蚊都要問人借，街都冇得去，有時連踢波嘅搭車錢、有冇錢買水飲都要諗埋，一個成年人窮嘅狀況去到咁，都真係去到好盡；但嗰時日日喺屋企睇戲，諗吓點樣做好工作，結果我還咗幾年先還晒啲卡數，但感恩嘅，冇以前嘅磨練就冇今日嘅自己。」所以不要看輕每一個人生的高高低低，因為每一個高低都成就了今天成功的你。