謝霆鋒用加拿大式口音　分享創業三大秘訣

眾所周知，謝霆鋒除咗演戲唱歌之外，仲精於做生意，喺2003年成立後期製作公司，成績都唔錯，近年仲涉足飲食界，搞鋒味控股。日前佢就幫香港貿發局拍攝最新宣傳短片，大談當年成功背後的三大秘訣，仲不時大「曬」帶有加拿大口音英文，提醒創業者最緊要有熱誠："Can you live with doing that for the rest of your life? Can you?" (你可以一生也做此事嗎?)

霆鋒的三大成功秘訣包括：「堅持不懈」、「與時並進」、「忠於自己」。關於第一個秘訣「堅持不懈」，佢話堅持唔係一日或七日嘅事，係很長久嘅事，而且唔係一開始就成功：「會有很多高高低低，但每一個高低都會造就今天的你。」

而第二個秘訣「與時並進」，霆鋒就話：「現在這個時代比以前變得快很多，很多時候改變嘅事不是你所預期的，會是逆方向去改，but you have to adapt to it(要去適應這些改變)。」

最後霆鋒講到要「忠於自己」，即係做自己鐘意嘅嘢：「如果你唔係真係好誠懇對待自己愛嘅嗰件事，你會捱唔住，Can you live with doing that for the rest of your life? Can you?" (你可以一生也做此事嗎?)如果你可以的話，你唔會覺得辛苦，你會享受成個過程。」