《門徒》劉德華顛峰演技大爆發　魚子醬係要一罐罐咁食先夠霸氣

尋日劉德華突襲周杰倫演唱會，即席同周董合唱經典國語歌《忘情水》，雖則周董貴為亞洲天王，演唱會一票難求，黃牛飛仲炒高10倍賣成萬蚊，但拍埋喺華仔隔離即刻變成小粉絲，仲幫手唱埋和音，可見華仔嘅個人魅力絕對唔惹小。

當然啦，華仔話晒都係網民自推嘅「民間特首」，係個歌影視全能天王，係健力士世界大全拎得最多獎嘅歌手，邊有得輸啊？前排網民就回帶揀港產片5強，入圍5套有3套都係華仔主演嘅電影，分別係《暗戰》、《無間道》同《門徒》。

網民相當識貨，皆因套套都係係金像獎提名之外，首推嘅《門徒》每一幕都係經典，最顛峰嘅食魚子醬一幕真係諗起都有聲。嗰場係講華仔帶晒一家大細，同埋吳彥祖去高級餐廳食飯，前菜華仔就叫咗魚子醬食，佢就好識嘆咁介紹大家食魚子醬係要襯香檳咁食，大家碰杯Cheers完之後，主角魚子醬就出場喇，經理就魚子醬係要連埋個磅以重量計價錢，但華仔即刻嬲嬲豬拍檯中鬧：「畀鬼佬睇到以為我唔夠錢食添啊，你呢度咁少叫邊個食啊？一人一罐！」華仔七情上面，完全係視帝上身，連身邊嘅靚靚袁詠儀都Handle唔住場面，梗係啦，大佬一人一罐魚子醬點食啊？最後一句回馬鎗「你當我茂利呀依家？」真係經典過經典，真係好想瘋狂睇華仔食魚子醬啊！