林峯拍《尋秦記》電影版做番嬴政：真係一個集體回憶

《尋秦記》電影版雖然未開拍，但幾位主角古天樂、林峯同宣萱日前就因《微博之夜2017 - 香港站頒獎禮》而聚首一堂，對於嬴政同項少龍終於再遇上兼合作，林峯接受訪問時都好開心。「呢個問題畀人問咗咁多年，依家古仔公佈咗，所以我亦都可以正面咁表示係真嘅，我知佢籌備咗劇本好耐，呢個真係一個大家嘅集體回憶。」至於是否做番嬴政一角呢？林峯就好鬼馬咁話：「大家認為我會做嘅角色啦。」林峯指《尋秦記》是他的首部古裝劇，當時其實唔係好知自己做乜，今次再做，都有信心可以處理到。

林峯之後透露自己在《微博之夜2017 》上得到「人氣獎」，並笑言自從使微博之後，已學會不了少當中的功能，令他感覺更接地氣，不過，問到會唔會回覆粉絲留言時，林峯就自爆缺點：「甚少回，因為自己打字好慢，慢到自己都炆。同埋，有時覺得打得嚟，不同直接講電話算啦。」