【翻生武林】TVB武俠片無進步？ 姜大衛：而家同拍電影差唔多
撰文：林迅景
出版：更新：
姜大衛（John哥）在50，60年代起就開始涉足香港電影界，尤其是武俠片更是佔了大多數，堪稱是電影電視界的「武林高手」。近期TVB上映中的《翻生武林》，姜大衛同樣飾演「武林高手」，演出實在是不減當年勇。
《翻生武林》可算是近年TVB罕見的武打電視劇，其中最大特色莫過於是劇中甚具懷舊色彩的「we轟轟」特效。姜大偉接受《香港01》訪問時說：「《翻生武林》加咗『we轟轟』之後，都幾有懷舊感覺。其實都幾過癮，有咩經乜經。呢種拍法懷舊得嚟其實都幾新鮮。懷舊得嚟我哋用咗新嘅手法，應該冇乜所謂。」
【翻生武林】簡慕華離巢北上搵機會：只要自己有價值就有人需要你
問到現時千禧年代武俠片與60，70年代武俠片有甚麼不同時，John哥説：「製作方面，而家武俠片多數喺內地拍，香港拍嘅大製作當然愈嚟愈少。但係我睇出面香港電影，小本都有小本拍法。雖然細製作，但係拍出嚟都唔似細製作。電視劇亦都一樣，TVB咁多年都係拍得一模一樣。但係呢幾年已經有改變。例如以前全部都係3部機，企好位講晒對白就得。而家佢哋嘅拍法已經同出面電影拍法差唔多。我哋無論廠景定外景，每一個鏡頭，就算係同樣方向，無論係一大班人定係單頭，燈光全部都唔同。但求出嚟每一場戲或者每個畫面，觀眾睇落都會覺得唔同。」
所以將《翻生武林》與「舊陣時」的武俠片相比的話，看似一樣，其實無論製作或後期都有很大改進。「we轟轟」特效其實只是一個向「舊陣時」武俠片致敬的手法。