網傳男子打爆九巴擋風玻璃　李嘉話無難度：集中一點用幾十磅力　

「你有壓力，我有壓力」，多年前巴士阿叔的名句，至今記憶猶新，其實都市人確實有不少壓力，只要一經觸動，隨時會爆發暴力事件。近日網上瘋傳一名男子，瘋狂以手肘、雙掌、腳及頭，撞爆一架46X的九巴擋風玻璃，弄得滿手滿身鮮血，相當恐怖。無綫藝人李嘉，被圈中人稱為武神，他看過短片後表示，「啲力夠集中幾十磅力已經可以打爆」，幸好巴士已經停低，否則隨時發生嚴重交通意外。

該段短片中，見到一架46X的九巴，在大圍巴士站的紅綠燈位停低，一名男子在車廂內突然用手肘撞向巴士擋風玻璃，撞了幾次後玻璃已經出現裂痕，跟着他再以雙手拍打、腳踢，其後還用頭瘋狂撞向玻璃數次，終於撞出一個大洞，而該名男子亦滿頭滿臉鮮血，期間還不斷推撞司機及拍打巴士方向盤，司機亦馬上打電話報警及跟公司匯報。

爆九巴玻璃傳送門

相關文章：

【格鬥孤兒】內地拳館逼幼童打拳賺錢　李嘉：利用孤兒好冇道德​

李嘉鬧《包青天》導演唔識尊重演員　武神爆seed：唔係靠大聲靠惡

打爆玻璃片段瘋傳後，不少人也話該名男子「厲害」，可以徒手打爆強化玻璃。但武神李嘉卻並不同意，他接受《香港01》訪問「要打爆一塊玻璃嚟講，打四隻角係最易爆嘅，而且塊玻璃有少少弧度，用骨頭嘅硬位打落去就會爆，不過因為係強化玻璃，所以唔會成塊散晒。(是否要用好大力先打得爆塊玻璃？)要打到玻璃出現裂紋，唔使好大磅數嘅力，只要夠集中係嗰一點，就可以令玻璃產生呢個效果。坊間有啲求生工具，啲力夠集中幾十磅力已經可以打爆，或者戴咗戒指，有少少硬物已經可以。」不過李嘉更關心該名男子，反問記者該人是否精神有問題，不過都市人壓力咁大，類似的火爆情況，甚至車上吵架打交，確是愈來愈多，屢見不鮮。