【影視博覽】朱晨麗連拍兩劇揾命搏：試過撞到大髀瘀哂！
撰文：林通賢
出版：更新：
今日是電影、電視「晒冷」日，電影就古天樂玩哂，電視繼續TVB獨大，兩個鐘活動，數之不完的節目劇集，邊個先係力谷小生花旦，數數播幾多套劇集就知。
整個「晒冷」活動一定係朱晨麗最搶鏡，六套重頭劇集，她佔兩套《棟仁的時光》《特技人》，她表示拍完兩套劇練到成身肌肉。她說：「為咗呢兩套劇，特登買咗兩個啞鈴返屋企，朝早起身或者訓覺前都舉百幾下，最主要係因為拍《棟仁的時光》我要跳鋼管舞，要成個人凌空抽起，要好大手力先得，所以唔駛去做gym。」
另外她亦十分期待《特技人》播出，因為佢攪到成身傷，她說：「好多都親自上陣，試過撞到大髀「魚」哂，又試過背脊撞紅哂，好痛，但我都繼續拍，因為唔想拖慢個長度。」