傳與趙麗穎演《七月與安生》電視劇　鄭爽粉絲不滿代偶像推劇

電影《七月與安生》改編自同名小說，故事講述林七月與李安生由同學變為好友，長大後雖性格各異，但卻看上同一男生蘇家明，命運亦因而改變。電影找來周冬雨及馬思純主演，二人除因電影成為好友之外，亦創下金馬雙影后的首例。

內地日前有消息指《七月與安生》將開拍電視版本，並找來《老九門》、《鬼吹燈》的白一驄擔任編劇，全劇48集，預計4月底開拍，就連官方製作備案公示表都有埋。而大家最關心的女主角人選，雖然備案公示表未有提及，但有傳係趙麗穎同鄭爽，其實呢個組合去年就已經傳過，但今次再被提及，兩邊粉絲反應都十分大：趙麗穎粉絲指鄭爽無演技，怕佢拖累收視，鄭爽粉絲索性話偶像今年已經有幾劇在手，唔會有時間再接《七月》，「鄭爽不約」等留言充斥微博。

鄭爽雖然因《微微一笑很傾城》爆紅，但佢同男主角楊洋的演技一直備受質疑，如今傳出將與趙麗穎合作，兩大女神同場較勁，相信如果真係成事的話，導演最頭痛係邊個演七月，邊個演安生。