【翻生武林】蕭正楠發揮喜劇細胞 話膠劇仲好睇：希望大家盡情笑
撰文：林迅景
出版：更新：
《翻生武林》播映接近一星期，作為一套古裝喜劇其實尚算合格。網上意見均表示，雖然《翻生武林》「膠味」甚濃，但故事輕鬆有趣；雖然後期制作粗糙，但演員演技搭救。不少網民看畢之後也表示此劇有不少笑位。
劇中飾演主角「玉雲龍」的蕭正楠更有一幕經歷的「出浴戲」甚為搶鏡，有網友更大讚他有喜劇細胞。蕭正楠接受《香港01》訪問時說：「其實好多人都覺得我好嚴肅、好cool，唔可以搞笑。但係熟我嘅人例如阿廉，我哋成日都玩嘅。我只係將生活中一啲頑皮帶咗入去，咁啱角色又係頑皮滑頭，出嚟效果就有呢種無聊又頑皮嘅感覺。」
《翻生武林》被網民笑稱是「膠劇」，蕭正楠表示又並不是很介意。「大家有時睇得多正劇都可能覺得悶，有時有啲玩盡玩激少少嘅劇。我覺得係需要嘅。所以今次劇入面笑位大家都好盡情做，總之希望大家3分鐘一大笑，2分鐘一細笑咁。」