【福祿壽】梁家輝唱：Tell Laura I Love Her 阮兆祥全靠人緣廣
由王祖藍、阮兆祥、李思捷組成的「福祿壽」再次入紅館開騷，早前預告有重量級嘉賓，頭場最先出場嘅有李司棋，一曲《啼笑姻緣》簡直係震撼了紅館。三佬之後大唱8、90年代的經典廣告歌，而祥師兄除大跳《跳舞街》外，之後更同埋5歲契女陳禛（陳國邦、羅敏莊囡囡）再上台，一身hiphop打扮嘅陳禛原來係要唱軟硬嘅《廣播道fans殺人事件》，同祥師兄又rap又唱，看上去一點都不怯場，落台前更錫了契爺一啖。
福祿壽雖然扮過不同人物，但就從未試過同時扮同一個人，呢晚佢哋就話要試試，三人同台唱出《傷感的戀人》，接著原唱者黃凱芹出場，看到福祿壽模仿他扭身扭勢的台風亦玩埋一份。黃凱芹表示早年在電台與祥師兄認識，又笑言當年唱《傷》時，李思捷與王祖藍才10多歲，現在能同台演出感覺有趣。
當關菊英都出埋場，唱完《講不出聲》兼順道宣傳《溏心風暴》舞台劇。福祿壽在solo時，王祖藍不忘冧老婆，以一曲《青蛙王子》送贈李亞男，而祥師兄情深獻唱《被遺忘的時光》、《愛上一個不回家》、《聽海》時，提到入行多年，最大收獲是認識了很多好友及得到前輩的支持，接著唱出《Tell Laura l Love Her》時，曾在電影《新難兄難弟》唱過呢首歌嘅梁家輝，慢慢由觀眾席走上台，連影帝都撐場，可見祥師兄人綠甚廣，梁家輝在台上表示。「我媽媽移民好多年，佢成日都話知道我影壇上有好成績，舞台劇亦都係，又話如果我喺呢個歌手視為神聖舞台嘅地方唱歌，佢就會返香港，結果佢今日坐十幾小時飛機返嚟，阿媽，我終於上到紅館。」梁家輝之後與祥師兄將歌詞改為「tell媽媽I Love Her，tell老婆我愛你」台下觀眾非常受落。
對於今次幾位份量又有驚喜的嘉賓，福祿壽完騷後接受訪問時表示：「黃凱芹係好有代表性，而且係我哋三個都想請來的，朋友搭上搭咁搵佢，同埋今次哋未試過三個扮同一個人嘛，大家反應都幾好呀。真係好感謝Chris（黃凱芹）真係專誠回來做呢個騷。」而提到影帝梁家輝，祥師兄就話早年自己開騷時，曾邀請對方，奈何當時梁家輝抱病在身未能到場。「所以今次佢知我哋十周年，佢原來一直都記住，加上想送一份禮物畀父母，所以話來支持吓我，自己都覺得怎麼可能，你話我開口一回事，依家佢開口真係好感動，感受友情的可貴，我到底要用幾多錢先請得到佢，甚至有錢都未必請到啦！更何況係上紅館唱歌，司棋姐都係，佢未試過唱紅館架。」