姜成勛@水晶男孩再捲入詐騙1.4億韓圜 人紅是非多以為有高收入？
透過《無限挑戰－六六歌3》重組嘅水晶男孩成員姜成勛，近日又再捲入欺詐騙案，涉嫌向K友人騙取1億4千萬韓圜（約HKD$ 1,017,730）。據知事件起源為2011年姜成勛因日本演出告吹，稱需要用代替收益嘅費用就向K友人前後借取總共1億4220萬韓元（約HKD$ 1,033,670），而K友人分別將錢傳入姜成勛以及姜成勛友人嘅帳戶，K友人指姜成勛收錢後就失聯，並無償還債務。而一直向姜成勛追還款項嘅K友人只獲得「錢又唔係入落我戶口，係入畀N友人，點解要我還？」所以K友人最終向姜成勛提告。
其實姜成勛被告已經唔係第1次，2013年9月同樣因為涉嫌詐騙被判緩刑處理，當時案件係涉嫌於2009年到2010年1月向3位熟人借錢約10億多韓圜未有償還，2015年因涉嫌詐騙被放款人D某起訴，當時法院判處姜成勛無嫌疑，調查過程中姜成勛還曾向D某提起了7億4000多萬韓圜（約HKD$ 5,385,380）的返還不當款項的訴訟。
而今日姜成勛前所屬經理人公司金代表表示「姜成勛涉嫌欺詐一事係被冤枉」，又指本次事件同姜成勛喺2015年被判無嫌疑一事件係一脈相承，實際上姜成勛被判無嫌疑。而2010年事件當中金代表稱姜成勛已經將部分錢還畀N友人，但N友人無還錢畀K友人，潛水嘅係N友人先啱，對於報道寫成姜成勛唔還錢感到好遺憾。
另外金代表仲表示「自姜成勛演出《無限挑戰》後就以水晶男孩身份活動，好多人都預計姜成勛有龐大收益，但事實上並不如此，因為債權人扣押咗姜成勛喺YG Entertainment嘅薪金，所以姜成勛嘅收益並唔多。好遺憾因為呢件事姜成勛再次捲入是非當中，令他本人同家人都遭受傷害。」
更多圖片
【回到1997】H.O.T水晶男孩全盛時代 20年後回歸依然超人氣
下載《香港01》App，更多韓星靚相、影片率先睇！
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/