【果欄中的江湖大嫂】 李天縱學好廣東話：每堂都要500蚊

過咗一個月所謂的「炮灰期」，今晚TVB終於踏入全新的劇集時期，兩線分別播出《翻生武林》及《果欄中的江湖大嫂》。其中後者被形容為《火線下的江湖大佬》的姊妹作，除了有陳煒，香香同楊明之外，其實都有不少新面孔，當中就有李天縱 (Lena)飾演陳煒老公的小三。2011年參加完港姐的Lena去年開始拍劇，母語是普通話的她為了練好廣東話，每個月不惜花6000蚊上堂，「教我的老師是之前專門幫成龍配音的鄧榮銾先生，我每個星期學3日，每次2小時，每堂都要500蚊。」

相關文章：

【不懂撒嬌的女人】李天縱性感緍紗贏暴露白雲：我會對男友撒嬌！

未拍劇前的Lena擔任了娛樂新聞台國語主播五年時間，幾乎沒有講過廣東話，所以去年正式進入拍劇，才扚起心肝練好，「有好多字自己以為係啱嘅，但其實係錯嘅，好多時都會發生，『我』會讀左『燒鵝嘅鵝』，『有』就讀咗『油』。」有人話學語言最快的途徑就是認識當地的男士，Lena即刻話，「當然我想搵到一個咁嘅男朋友，都要睇緣分。」

Lena透露媽咪其實都識得講同聽廣東話，但同自己一樣都是不太純正，「雖然媽咪係香港生活咗好多年，我又係係香港出生，但都唔係講得特別好。」早前拍攝劇集《兄弟》的她，由於拍攝過程中都是「飛紙仔」，令她好擔心自己會拖延拍攝進度，「因為無得之前預備定，基本上24小時之前先有劇本到手，變咗無時間準備好。所以當時拍攝嘅時候，都要拜託鄧老師係拍攝前教我。」