陳冠希為氹愛女跪地　親佈置場地開p慶祝囡囡一歲生日

陳冠希 (Edison) 自入行以來一直給人壞孩子的形象，但隨住他年前同中國超模女友秦舒培拍拖，兼於去年3月榮升做爸爸之後，Edison就變了專一好男人以及勁鍚囡囡的好爸爸，仲好鍾意於自己的Instagram同微博大曬囡囡Alaia的得意相，同大家開心share他當爸後的喜悅同幸福生活。

今日是Alaia的1歲生日，Edison同秦舒培特地為囡囡舉行了一個生日Party慶祝，還親自為囡囡進行佈置。為了氹囡囡開心，配合囡囡坐BB椅的高度，Edison更跪晒地咁送蛋糕給囡囡，仲笑得燦爛過囡囡。