【翻生武林】靚女吳沚默仲係才女　編劇拍劇小說影評樣樣掂

《翻生武林》今日搞宣傳活動，劇中靚女不少，吳沚默(Momo)便是其中一個。唔講唔知，她是一名正宗的才女，在浸大電影系畢業，曾經為電影《同班同學》和TVB老表系列編劇，更在新報寫過影評，連小說都有寫！不過近年多了拍劇，編劇的重心反而移向大陸，在接受《香港01》訪問時，她表示原因是：「之前有寫TVB劇，但而家會少啲喇，因為電視劇好多時間去開會，但我又要去拍劇。網絡大電影會易就啲，同埋電視劇有編審，要溝通好多嘢，網大自己寫會好好多。」

一個人一日只有24小時，又要編又要拍的確辛苦，究竟在Momo心目中哪一項比較難度高呢？她就這樣說：「其實兩樣都困難，因為我兩樣都做得唔好，哈哈。編劇難在有商業性，我而家主力編大陸嘅網絡大電影，雖然投資唔多，可能只係得兩三百萬，但一定要回本都賺到少少，所以一定係好商業嘅嘢。」所以Momo更喜歡鍾意寫小說，不用考慮商業性，「會開心啲，演戲又唔係話好難，我都好enjoy。」

電影系出身，個個都以做電影為夢想，Momo也不例外，她說：「以前讀書嘅時候，讀書嗰班一定諗自己大個做電影，電視就唔喇，電影勁呀！但係後尾做嘢之後，反而覺得無所謂，我而家反而鍾意電視，因為多人睇，接觸嘅受眾多啲，多啲去接觸觀眾係好事。」但做電視也曾經有過想放棄的時候，就是有長達半年沒有劇拍的日子，那段時間她很迷惘，「好彩有綜藝幫幫我手。訓練班始終條路難啲，我比起班同學已經好好彩。但每次一想放棄嘅時間就要提醒自己係點樣入嚟，我覺得呢行係要靠個初心去堅持，唔係老土。」的確，每一個成功的背後都是默默的堅持，希望Momo能夠闖出一片天！