【開心速遞】同蘇韻姿真係撻著？　阮政峰：滿足大眾需要啫

今日《翻生武林》舉行播映前的宣傳活動，在席上的阮政峰近期憑著在《愛·回家之開心速遞》入面飾演池子孝一角而備受關注，事關他在劇中跟蘇韻姿飾演的紅衫魚做情侶大受歡迎，更加被傳出現實中也因此而撻著，被傳媒拍得在街上又攬又拖手。

不過今日他在接受《香港01》訪問時便作出澄清，他說：「拍嘢渣，嗰次我哋2pair人去影宣傳照渣，如果唔係想出個post同人講我會出場都無相post，所以嗰次趁住四個都得閒，就去AIA因為夠熱鬧，影定啲未來嘅宣傳照，真實就唔係咁嘅。（你話過有機會發展？）哈哈，滿足大眾需要啫，我哋初初跳完手勢舞，之後就個個都問我哋係咪一齊。我記得有個記者朋友問係咪一齊，咁我哋當時就直接否認喇，點知佢好唔開心，好失望，仲問我哋可唔可以答一個令大家有幻想空間嘅答案，咁我就答咗有機會發展喇。目前我哋係一對好信任大家嘅螢幕拍擋，同埋都傾得埋嘅。」其實做螢幕情侶都夠喇，有時又未必需要真人都拍拖嘅！

【開心速遞】Vivian何艷娟港大法律系畢業 為入娛樂圈放棄做律師

【開心速遞】講熊家的劇情真係比較悶 編劇要好好諗呢個問題

至於今次出演《翻生武林》，一套古裝喜劇動作片，曾經參加過TVB武術節目功夫新星的他以為可以發揮所長，不過一場歡喜一場空，他說：哈哈！我係《功夫新星》入行，不過呢套劇我只係放飛針，完全無得打。當初接到呢部劇好開心，《翻生武林》喎，終於可以用我嘅技能，係我覺得自己最強嘅技能，但原來我係無得打。喺套劇入面我係勁驚青，驚死，連偷襲都無，剩係講救命呀、對唔住呀、點算呀、唔好打我呢啲，但我覺得係得意嘅，同埋人生流流長，第時實有機會打嘅。」講得啱，現年才26歲的阮政峰其實真係大把機會，等吓喇！