馬國明心中TVB現役十大美女　你以為黃心穎真係排第一？

早前為大家選出了TVB的現役十大美女，外間聲音各異。今次我們乘勢找來馬國明為我們以圈中人身份挑選10個美女，不過馬明在接受《香港01》訪問時十分支吾以對，還反問記者有沒有提示，經過提點後，馬明先選出4個相信沒有人異議的美女，分別是朱千雪、李佳芯、岑麗香和張曦雯。

【任噏亂評‧多圖】十大TVB現役美女排名　新人伍樂怡余思霆入圍

【萬千星輝．任噏亂評】賽果算正路　但《誇世代》憑咩拎最佳劇集

朱千雪

李佳芯

岑麗香

張曦雯

至於剩餘的6個位置，馬明終於到自己的心水，而且挑選方式十分特別，他說：「我緊係會揀心穎喇，亦都要加詩詠落去，仲有袁偉豪女朋友張寶兒喇，加晒啲fd底嘅女朋友落去，阿蕭女朋友翠如喇，朱智賢喇東閔女朋友，嘉穎女朋友阿Grace陳凱琳喇。」原來係用自己老死的女朋友目標，咁就唔會得失其他人，醒目！

黃心穎

黃翠如

朱智賢

陳凱琳

講完入圍名單，當然要講排名，由於成10個美人咁多，所以唔使馬明派足10個，排三甲就得喇，大家係咪覺得馬明一定會將心穎排第一呢？他說：「嘩！真係好難揀喎，」當再追問心穎係咪第一的時候，馬明思考了3秒鐘：「都係嘅，好難唔揀喎，會俾人鬧。」至於之後的排名，已經唔重要，因為馬明不斷話好難揀，看來只有心穎一人令他如此肯定。