謝東閔曾經試過負資產：問銀行借咗6位數，還4年先還晒…
撰文：張嘉敏
出版：更新：
謝東閔 (Brian) 早前獲得星和無綫電視大獎2017 TVB最佳新人獎，又獲得無綫力捧，今年事業發展相當唔錯，工作多了收入自然都會增加啦。不過正如好多藝人一樣，謝東閔都曾經捱過窮困日子。提到近日有網民討論26歲人銀行存款都無3萬，對此Brian接受香港01訪問時表示：「而家好多後生仔銀行戶口都無3萬啦，我26歲嗰時都無呀，直情係負資產。」
究竟Brian當時點解會咁窮呢，他說：「我23歲時曾經試過問銀行借錢，再喺內地做時裝生意，都借咗有6位數字，逐個月還，還咗4年先還晒，銀行啲利息都好高，問銀行借錢其實好笨。」原來他經營過時裝生意，唔講真係唔知，但其實他一直想唱歌做歌手：「我嗰時啱啱喺外國返嚟香港，有去學唱歌，亦簽咗個經理人，可惜都無咩工作機會，所以我先去大陸做生意試下。」
Brian今日出席的活動上有魔術師表演魔術，他自言不是玩魔術的材料：「我唔係好識，要好敏捷，身手好快先做到。」不過他亦覺得識玩魔術的男仔容易啲識女仔，他都試過學一、兩魔術來傍身：「嗰時喺外國，自己英文唔係好叻，就跟啲朋友學魔術嚟識女仔，又真係識到喎。」