Judas街頭賣唱聲一夜爆紅　裸辭為夢想：做busker努力未必有回報

網絡紅人King Jer在其個人專頁轉載一條busking片段，並以「把聲林二汶咁款」去形容主角Jadas Law ，隨後網民亦紛紛大讚Jadas係「香港Busking界的清泉」、「好有感染力」。
其實呢位90後busker Jadas本身有鋼琴底子，為了街頭賣唱放棄正職之餘，亦自學結他。看似任性，但年輕就是本錢，家人亦大力支持。

由影片所見，Judas拿起結他自彈自唱鄭秀文的《唯獨你是不可取替》，她唱完之後亦有不少途人鼓掌，而其busking片段昨日並不停在fb被轉載。就連網絡紅人King Jer亦大讚好好聽，亦直指其演出水準達100分。其實呢位90後Judas Law(羅凱鈴)3年前首次在尖沙嘴接觸busking，，當下有感賣唱為人帶來舒服的感覺，加上自己一直希望以音樂感染他人，於是開始自學結他，亦於一年前辭去補習社導師工作，全職投身busking。雖然busking收入並不穩定，但由於得到家人支持，令Judas更無後顧之休去享受這份工作。
 

Judas如清泉般的聲音，其實早已被上載到facebook專頁「盡在元朗」，日前又再獲「Tai Po 大埔」關注，証明好嘢會一直被欣賞。本身住在天水圍的她，由天水圍、屯門、元朗等地方，慢慢走到沙田、大埔等地方演出，不少網民在其專頁留頁，力邀她到九龍區busking，並表示會「早啲去霸位」。

短短一年的時間，Judas除在街頭演出之外，亦不時被邀請到酒吧、婚禮以及音樂會等演出，收入不俗，不過他接訪問時，亦表示其實有苦自己知：「做busker係努力都未必有回報，所以好感謝各位同屋企人對我嘅支持，令我撐到今日，我會繼續努力，唔會令屋企人同埋咁多位支持我嘅人失望，唔會令自己失望！」
 

街頭捕獲唔到Judas的朋友，其實也可以在她的專頁聽聽她清泉般的聲音。