【金宵大厦】陳山聰確認做男一　《降魔的》編審羅佩清操刀有保證

上個月在《萬千星輝頒獎典禮》中奪得「最佳男配角」的陳山聰，上年可說是豐收的一年，在香港、星加坡和馬來西亞三地的頒獎禮都奪獎而回，人氣突然間又走上高峰。早前傳出今年他將會第一次擔正做男一，不過早前接受訪問的時候，他只是說：「我未收到呢個指令喎！所以一日未證實我都暫時唔回應住喇，因為真係咩都未有，我又放緊假，公司同經理人又未通知我，都係唔回應住喇，唔該晒！」

不過今次真係確認喇！套劇會叫做《金宵大厦》，由葉鎮輝監製，《降魔的》編審羅佩清繼續編劇，相信劇本都是有信心的保證。除了山聰做男一之外，李施嬅將會擔任女一，其餘的演員包括有張曦雯、譚凱琪、黃長興、鄧佩儀、林子善等等，當中還有新晉笑星陸永，真係好值得令人期待！