韓國選手愛用Kpop溜冰　李俊炯跳《PICK ME》神童劉永13歲愛2NE1

Kpop流行文化紅遍全世界好多人都知，而將Kpop同溜冰結合亦唔係今日先有嘅事，好似2011年韓國綜藝節目《金妍兒的Kiss & Cry》（港譯：星耀冰舞台），東方神起成員U-Know允浩、f(x)成員Krystal、以及IU都有出演過，當時更引起唔少回響！

乘着2018平昌冬季奧運會於上星期五正式開幕，近日網上就流傳一條影片，見到韓國花式溜冰選手李俊炯（音譯）喺溜冰場上大跳《Produce 101》Season 2主題曲《PICK ME》！而李俊炯更着上粉紅色衛衣並掛上A字，整個溜冰過程除咗有高難度嘅花式技巧之外，仲加入《PICK ME》重點舞步同動作，真係不能不大讚李俊炯嘅sense！而網民對呢條片嘅評價都非常正面，大讚李俊炯好勁！

韓國除咗有李俊炯男選手，女選手方面其實都有一位新星被稱為花式溜冰神童，佢就係2004年出生嘅劉永（音譯）今年先得13歲咋！7歲已經開始溜冰嘅劉永喺韓國《2016綜合選手大會》（滿11歲即可參加）中已經首嘗冠軍滋味，實在不容小覷。劉永嘅個人Instagram更有唔少同冰上女王金妍兒嘅合照，更稱金妍兒喺佢偶像，劉永極有可能成為另一個冰上女王啊！

劉永早前更同秀智、金妍兒以及《無限挑戰》成員劉在石、朴明洙、Haha、鄭埻夏、梁世炯等人一同傳遞2018平昌冬季奧運聖火，更話唔能夠忘記當日嘅回憶！而網上其實仲有流傳一條影片係劉永以2NE1《I AM THE BEST》做背景音樂，一邊溜冰、一邊做出高難度動作、一邊跳《I AM THE BEST》編舞，真係不負神童稱號！

李俊炯《PICK ME》溜冰表演

劉永《I AM THE BEST》溜冰表演

冬奧運動員多韓星朋友　請夏集郵Super Junior東海：弟弟我愛你！

下載《香港01》App，更多韓星靚相、影片率先睇！
http://bit.ly/HK01_App

我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/