【情人節】阮兆祥拖足17年 讚女友不似港女：有咩事都唔好嗌交
現代愛情流行速食，愛情來看快去得也快，一紙婚書並不能完全把兩個人牢牢栓住，離離合合也是等閒事，有些婚姻很短，有些拖卻拍得很長，藝人阮兆祥和女朋友愛情長跑17年，他笑言：「好多結咗婚又離婚的人，關係都不及我們這麼長久。」
一般人只知道祥仔是搞笑能手，卻很少留意到他有一個拍拖17年的女朋友，17年歲月，真的不是一個短的日子，談起與女朋友的關係，祥仔說：「一起這麼多年，已經相處得像家人一樣，兩家人常常來往，互相關心。」
問到祥仔覺得他倆關係長久的關鍵是什麼，祥仔說：「大概係我哋咩都會講出口，唔使估估吓吧！」他續說：「例如買禮物，佢會開到口話想要啲咩，咁我又送到佢鐘意嘅禮物，又唔使估佢鐘意啲咩，初時一齊試過買咗啲禮物俾佢，擺喺度無用到，其實男人邊知女人鐘意啲咩、諗緊啲咩，不如直接啲要求仲好。」
也許一開始，兩個人都有磨合期，但透過二人後來習慣「咩都講」，漸漸又建立出默契。祥仔說跟女朋友Crystal一起時很舒服，她不會無理取鬧，而且很多時，他沒有開口，Crystal已經知道他在想什麼、需要什麼，祥仔說：「好似我返到屋企，坐低唔出聲，佢就會斟杯水俾我，問我：『係咪攰呀？』呢啲位雖然好普通，但令我覺得好窩心。」
十七年來，兩個人相處總有爭執，而歲月又把兩人的稜角磨平，初初拍拖，熱戀期過後的爭執有如唇槍舌戰，互不相讓，但兩個人一起久了，又自會找到一個適合兩人解決執拗的方式：「依家當有意見不合，一感覺到大家啲火嚟緊，講嘢開始有啲骨，就會行開吓，等大家冷靜返落嚟，啖氣落咗就無事。」
祥仔說以上方法不是所有場合都適用，例如去旅行途中，就不能在異國街上丟低另一半：「上機之前同自己講，去旅行要開心、盡興同輕鬆，有咩事都唔好嗌交，我女朋友亦係一個知情識趣的人，不會亂發脾氣，就算在旅途中有執爭，都會講笑帶過。」
在外人眼中，也許如此有默契的一對，應該要結婚的，可是祥仔和Crystal就是有自己的一套想法，不為俗世左右，反正這麼多年了，一直留在彼此身邊，相輔相守相依，有沒有一紙婚事，又有何分別呢？