單文柔知道陳展鵬想睇北極光　上網搵埋資料：係一件浪漫嘅事

單文柔即將為《今期流行》主持，大談時裝、扮靚熱話。本身修讀時裝設計的Phoebe，對潮流資訊甚有心得。「我會根據自己嘅喜好再去mix and match。我鍾意啲舒服呀、白色，同埋係有啲accessories，又有少少民族風點綴一下嘅，而今年嘅春裝我會揀花花圖案嘅輕紗喇，外邊再襯皮褸，出街又方便同好襯，又會有smart causal嘅效果。」

之後提起陳展鵬推出眼鏡品牌，單文柔對背後理念非常理解：「我希望大家可以從設計理念了解，然後感受個product獨特嘅地方。知道展鵬眼鏡背後故事係北極光，都知道佢一直都好想去睇。」既然咁想去睇，單文柔會唔會都plan下同對方去？原來佢都有做research：「我睇咗啲資料，見到冰島都有得睇。我好想喺聖誕節去睇，但好似11月、3月左右係最佳觀賞嘅日子，希望遲下可以有機會去睇，要就到假期。」去到最後，單文柔有種期待嘅心情表示：「我覺得睇北極光都幾浪漫，如果同到鍾意嘅人一齊去睇都唔錯。」陳展鵬聽到就要識做喇！