鄧麗欣角逐金像獎影后　方力申抽水：首先佢喺台上面要多謝我

鄧麗欣（Stephy）憑著《空手道》首度角逐金像獎影后，不少人都替她高興。不過巧合地，Stephy的前度男友方力申在今年亦有份投票，唔知小方會唔會額外加分俾Stephy呢？

方力申接受《香港01》訪問時説：「我會好公平、好公正，唔公開咁去投呢一票嘅。（你心目中佢係咪女主角？）心目中佢一路都係女主角，佢一路都係好稱職嘅女主角。所以我唔覺得佢有提名係一個意外，我覺得佢係值得嘅。其實我都係值得嘅，不過時候未到。」問到小方，他與Stephy的戲種有什麼不同時，小方説：「我就乜嘢都拍嘅，因為冇一個角色係重複㗎嘛，我鍾意拍喜劇。佢（Stephy）就鍾意挑戰自己多啲，會揀啲難道高啲，同埋嚮往拍一啲挑戰自己演技同埋內心戲多啲嘅。」

這一次金像獎影后名單都相當有分量，不過很多人都甚為看好鄧麗欣（Stephy）獲得影后寶座。如果Stephy上台領獎，小方又會點樣同Stephy慶祝呢？小方：「首先佢喺台上面要多謝我，佢多謝我我就會同佢慶祝。不過唔多謝我就唔慶祝。（點樣慶祝？）都係一班人食飯囉，你哋想睇我點樣錫佢呀？到時直播囉。（嗱，講定㗎啦。）係呀，嘴對嘴又點話，我想啫，佢又未必肯，哈哈。」唔知道Stephy到時又肯唔肯嚟一個「世紀之吻」呢？