歐鎧淳入圍最佳新演員惹批評　男友胡子彤開解：最重要是做好本份

歐鎧淳憑電影《春嬌救志明》入圍金像獎最佳新演員，還未來得及開心，就已經被網民甚至影評人質疑佢全戲得六句對白，是否真係應該入圍。而身為男友，兼係去年金像獎新人得主嘅胡子彤，呢晚出席時間品牌活動時，就略略咁透露女友得知入圍後十分驚喜，畢竟電影並不是她的正職，加上《春嬌》系列也是不少港人的回憶。「被質疑當然有唔開心，我同佢講別人要說什麼真的沒辦法控制，最重要是做好本份，同埋專心咁訓練亞運就得。」
胡子彤指女友於金像獎當日有游泳比賽，所以暫時未知能否出席，問他有否打算陪女友出席，他笑言好想。「但人哋唔知邀唔邀請我嘛！你話携眷出席的話，我身份又會尷尬。（如果到時佢打扮得好性感你會唔會介意？）佢日日著泳衣都性感喎。」胡子彤表示目前最想與女友一齊出戰亞運，為此他一星期有六日都在訓練棒球及健身。