【中華小姐】岑麗香超性感現身成全晚焦點　Fit爆身材完美演繹

無綫年度選美盛事《2018國際中華小姐》競選已經圓滿結束，不過無論是今屆的出爐冠軍李思佳、亞軍劉思延抑或是季軍雷莊𠒇，甚至是出場時令人眼前一亮的上屆冠軍余思霆，都唔及當晚全場最性感的岑麗香吸引，全部都淪為配角似的。香香以一襲鑲有swarovski的重工高訂晚裝上陣，貼身的cutting配以裸色以及see through效果令香香完美身材展露無遺，美得令人窒息。呢身若隱若現的噴血造型加埋香香個甜爆靚樣，令她輕易成為全場焦點。

香香這身晚裝是出自nicole+felicia couture的設計，由婚紗晚裝公司the wedding gown hk獨家代理。香港01記者電話訪問了該公司的負責人Jacky小姐，她透露香香所着的晚裝價值港幣6萬多元，今次特地Sponsor香香，而香香亦都完美演繹了該晚裝。可能好多女生着咁貼身的晚裝都要keep下fit，甚至唔食兩日飯先着得靚，不過香香就絕對無呢個問題喇。Jacky說：「香香嚟試身時已經好fit，我哋仲要幫佢改窄條裙。」

【中華小姐】台灣品牌Nicole + Felicia Couture成中港台女星新寵

原來呢條咁性感的晚裝亦非香香的首選，Jacky說：「香香原本揀嗰條裙扣咗喺海關度，我就提議佢不如試下呢條，香香又好肯嘗試唔同嘅設計，唔介意健康性感，我哋都特登加咗件裸色嘅body suit畀佢，佢都好滿意出嚟個效果。香香真係着得好perfect。」