【波士早晨】陳慧珊被狂cut戲份？ 無綫梗係唔會幫敵台宣傳啦！
撰文：黃梓恒
出版：更新：
《波士早晨》還有一個星期便會取代《平安谷之詭谷傳說》，這部拍完接近三年的劇集終於出街，不過未出街是非就愈來愈多，因為劇中的女主角陳慧珊(Flora)疑似被無綫打壓！首先在早前播出的預告片，眼利的觀眾望到Flora個頭得返「丁屎」咁細個，立即為她抱不平，覺得無綫太過小器。不過近排流出一個消息，該劇集由20集狂cut到15集的原因，是要將Flora的戲份盡量刪減，務求令到她由女一淪為配角，變相李佳芯就會成為女一，捧返自己人！
【波士早晨】陳慧珊預告片得個細頭 作為ViuTV監製會幫手宣傳？
【波士早晨】陳慧珊離巢3年倉底劇先出街 「幾時播唔係我控制」
Flora一直在香港的觀眾緣都相當之好，在2006年重返TVB後，基本上每套劇都幾好反應，《波士早晨》是她作為在TVB的告別作，正正常常係唔會亂咁搞佢，尤其是作為一個觀眾的寵兒，更加不應該這樣。那麼TVB為甚麼要這樣做？全因Flora現在是ViuTV的節目監製，亦會在該台上鏡，小器的無綫自己不想為敵台的藝人增加曝光率，自己將她的戲份cut得就cut，所以套劇出街後，如果劇情太過支離破碎千祈不要奇怪，始終本身得20集已經好短，仲要夾硬cut，唔奇怪就奇喇！