林峯避談吳千語　加盟古天樂旗下有機會開拍《尋秦記》

林峯今日同蔡卓妍(阿Sa)、方中信及譚耀文等，一身軍裝現身新蒲崗拍攝英皇網劇《PTU機動部隊》，終於回歸香港工作嘅阿峯，覺得跟在內地拍劇最大的分別是：「收工可以即刻返屋企。」睇嚟阿峯都係一個居家型嘅男人，佢仲話返到香港做嘢，見返啲熟悉嘅臉孔，覺得好有親切感。

唔知熟悉嘅臉孔包唔包括盛傳已經分手嘅「女朋友」吳千語呢？不過一提起千語個名，阿峯就話唔講感情事喇，而講到情人節點過，佢就大耍太極話新年同屋企一齊過，繼續避談千語。
林峯聞分手傳聞不欲多言 跟吳千語仲有聯絡：不如你哋問吓佢啦 傳吳千語另結富三代新歡上海蜜會 為保新戀情決心同林峯斬纜

咁講返佢嘅工作，阿峯最近加盟古天樂旗下，佢話可以同古仔合作好開心：「一入行就認識佢，識咗咁多年可以正式合作，一齊做嘢好開心。」其實外間一直盛傳古天樂會開拍《尋秦記》續集，依家古仔旗下有阿峯又有宣萱，成事嘅機會都唔細，而阿峯嘅回應其實都幾正面：「呢個就要問返古仔喇，等佢正式同大家公佈。」
林峯加盟古天樂旗下 《尋秦記》主要角色集齊開續集不是夢？