【阿嬌結婚】擔心未婚夫賴弘國唔成熟 網民衷心祝福終於唔狙擊
撰文：李妍樺
出版：更新：
原來養狗真係可以嫁獸醫，凌晨（1/2）阿嬌（鍾欣潼）喺社交平台度分享一張3卡巨鑽戒指相，上面寫道：「下一站幸福。」阿嬌終於Say yes嫁畀台仔賴弘國，即係有「台灣醫界王陽明」之稱嘅陰道美容師，37歲嘅阿嬌要做人妻喇！
【阿嬌結婚】台灣醫生男友賴弘國求婚 ig曬鑽戒：下一站幸福【阿嬌結婚】拍拖半年即閃婚 醫生男友賴弘國：給她最大幸福
+4
結婚本來係開心事嚟嘅，好似姊妹Joey（容祖兒）同阿Sa（蔡卓妍）都即刻留言話：「你的幸福就是我們的快樂，愛你。」相當溫馨，而網民亦戥阿嬌開心，為佢搵到真愛而覺得感動，祝佢幸福，有好歸宿。
但香港人出名把口Mean，又點會放過阿嬌？每次講起佢，大家都要提返十年前嘅淫照事件，笑男方抵得諗肯要阿嬌，仲好口臭咁話男方係「辦年貨」，Come on James，Old news都仲要不停翻炒，真係唔知阿嬌幾時可以擺脫呢班花生友。不過，今次就好多人企出嚟撐阿嬌，異口同聲叫「放過人啦」，仲好仔細分析結婚係好事，但擔心男方唔夠成熟，情史一大堆唔再講，上一段婚姻只係維持咗半年就閃電離婚，希望佢停一停、諗一諗。