文詠珊與男友步伐一致：就算結咗婚都會繼續工作

文詠珊（Janice Man ）以一身薄紗長裙出席時裝品牌開幕，雖然睇落氣仙十足，但她接受訪問時，都忍唔住問助手拎暖包傍身。

久未有在港露面的她，提到早前與男友到冰島旅行，雖然出發時航行公司將其行李弄丟有點掃興，但能與男友朝夕相對，又有什麼好怕。「因為好怕凍，所以唔見行李時真係好唔開心，同埋無時間再買保暖衣物。好在我手提行李裡面有套衫同mask，頂到兩日。」問到男友可有為她保暖，文詠珊笑說：「佢都唔知點算，一件衫都無。」她之後補充表示唔見行李都要敷面膜，是因為皮膚敏感大半年，而她近兩個月留港也是希望好好調理身體。「差不多三年來留港時間最長，媽咪最開心。」

文詠珊與男友Carl拍拖三年多，二人可有結婚打算？她先是表示自己仲後生，並謂：「無諗過，就算有日結咗都會繼續工作，而家我哋係開心，步伐一致。」文詠珊更笑言沒有暪婚打算，因為媒體太厲害，根本沒有事可以暪過。