官恩娜半夜泵奶畀囡囡竟然倒瀉晒：終於知道咩叫做欲哭無淚

靚媽官恩娜 (Ella) 今個月誕下B女Aurélie，同仔仔Gabriel湊成一個「好」字，而她就繼續專心做全職媽咪照顧一對寶貝仔女，暫時真係復出無期喇。不過她仍沒有忘記一班粉絲們，經常在instagram分享她和一對仔女的生活點滴，今日她就上載了一條ig story講下自己餵人奶的慘況。

Ella在片中表示﹕「半夜泵完奶諗住畀個女食，點知入口之前全部倒瀉晒……終於知道咩叫做欲哭無淚……」相信所有餵人奶的媽咪都一定明白Ella的心情。但傷心的Ella依然安慰自己說﹕「喊都冇用，只好埋身再餵，阿女終於瞓咗，等我食啲榴槤，陣間再努力過！」充滿住正能量呀。不過唔知Ella食完榴槤，她餵囡囡的人奶會否有榴槤味呢？Ella仲於片尾放了囡囡一個扮兔仔的cute樣，見住囡囡個樣應該即時心情好晒啦。