星爺孖軟硬講解咩係無厘頭　葛民輝：無厘頭背後有複雜嘅計算

講到香港的「無厘頭文化」，周星馳 (星爺 ) 一定是始祖，可以講係將呢股無厘頭文化發揚光大，在他以往的劇同戲中都演繹得出神入化，簡直是到了淋漓盡致的境界。而軟硬天師的林海峰同葛民輝亦一樣以無厘頭搞笑見稱，港台製作的電視節目《鏗鏘集》早於1990年已經探討了這個topic名為《胡言亂語》，有訪問星爺和軟硬。今年是該節目40周年，官方就於facebook上載了一段當年，即28年前這一集剪輯的短片，再加上阿葛的新訪問，讓大家溫故知新一下。

片段中訪問星爺咩是無厘頭，他一副思考的樣說：「新嘢嚟喎。無厘頭意思即係咩呢？無厘頭意思即係亂咁嚟，但亂咁嚟都有個譜㗎喎原來，亂咁嚟都好講技巧㗎喎。」阿葛重看這些所謂的無厘頭演出都話：「其實依家睇返都會想笑出嚟，其實周星馳都有講，無厘頭嘅背後係有幾複雜嘅計算，要諗一諗點樣令到聽眾聽你，唔係淨係要搶佢哋嘅眼球，而係好似同佢哋同步呼吸，要佢哋認同你。」