李亞男IG宣佈喜訊?　李亞男：期待我的Baby誕生

李亞男日前在社交平台宣佈喜訊：「期待我的Baby誕生。」唔好咁快恭喜佢住，亞男所講嘅Baby其實係佢寫嘅食譜咋，佢話好多人對於佢出食譜都好愕然，連佢自己都咁覺得，因為自己始終唔係廚房中人，但亞男話呢本唔係一本單純嘅食譜，佢希望透過一名「煮婦」嘅成長經歷，同大家分享什麼是真正的愛。

亞男喺佢本書嘅序度話佢做咗人妻之後，多咗時間留喺屋企，初頭好唔習慣，因為自己係一個貪玩的女孩，但當見到為工作奔波忙碌嘅丈夫，返到屋企唯一享受嘅，就係吃一餐用心烹調嘅煮家飯，從此開啟亞男嘅煮婦之路。

自從王祖藍同李亞男結婚之後，大家都好關心佢地幾時生BB，身邊啲朋友都陸續有BB，睇得出亞男其實都好心急，奈何老公王祖藍太忙，經常返內地拍綜藝節目，又要打理經理人公司，最近仲做埋廣西政協委員，應該都有排忙，希望兩小口早日有自己真正嘅BB啦!