【仙后餐廳】去幫襯唔止因為張敬軒　靚景美食200蚊餐飯都超值

張敬軒有份投資的「仙后餐廳」已經開張一星期，位雖然難book過買演唱會飛，不過有大量粉絲都想知道餐廳食物是否高質，網上亦開始出現相關食評。為了讓Fans可以有得參考，於是綜合一些食評，發現這間餐廳不論裝修、場內細節，以及重心：法國菜，都好值得上網撳個掣訂位。

不少食評首當其衝大讚餐廳裝修華麗，營造四、五十年代的感覺相當出色。早前記者都有親身去過餐廳，現場細分三個位置：Bistro、Bar以及Fine Dining。而Fine Dining區的天花，裝有極細緻、全人手繪製的彩色玻璃，還有萬多粒名牌水晶砌成的吊燈，足以讓人嘆為觀止，所以很多食客都被現場用心打造的場景被震懾到，未食飯睇景做前菜是必需的。

至於食物方面，就算不是軒仔Fans都會關心，而餐廳主打傳統法國菜。午市只開放Bristro位置，有三個價錢的套餐提供：290元兩道菜、380元三道菜及480元四道菜，而Fine Dining區晚市價錢盛惠$1388。因此，心急的Fans率先試價錢較為平民的Bistro區，至於貴價嘢…就儲下錢先。

有食客試完午餐後，高度大讚「法式香蒜牛油焗田螺」、「焗大西洋三文魚配白酒汁青露筍」屬於大師級，後者更有人形容為「好耐都冇食過煎得咁好嘅三文魚了」。而女士最愛的甜品部分，「法式焦糖布丁配香檸貝殼蛋糕，薰衣草蜜糖」則被大讚「焦糖面做得夠薄和夠香脆」，最重要是「不會過份甜」，看來值得一試。除了環境、食物之外，還有服務。Fans直指在Bistro區食飯，享受了「fine dining水準的服務」，他們對於餐廳剛開業，都有流程未必太流暢的準備，但用餐過後，他們都大讚員工相當好禮貌，而且有求必應。想吃的朋友，真的上網book檯了。