汪明荃講山頭文化　劉江再附和：我好有感受，佢講嘅我都好支持佢

早前汪明荃汪阿姐在《萬千星輝頒獎禮2017》上，有一番致辭講出了大部分TVB藝人的心聲，她說：「如果公司人工可以加多啲啲，休息時間多啲啲，關心多啲啲，山頭文化少啲啲，一定可以留到更多人才，士氣更加高漲，我哋可以好自豪咁講我係來自TVB！」這番說話立即引來全場人場鼓掌，真係唔知高層們聽不聽到他們的吶喊呢？

【萬千星輝】汪明荃爆seed講藝員心聲：加人工、山頭文化少啲

其實不單止汪阿姐，今日在《平安谷之詭谷傳說》的活動中，有位在TVB份量也是很重的人，在公司內人人叫他做老師，就是劉江，他也十分附和阿姐。他從事電視已經超過40年，加入TVB也有36年，絕對有資格像汪阿姐一樣幫藝人們發聲。在接受《香港01》訪問時，被問到如果評價汪阿姐的說法，他說：「點睇？我好有感受，佢講嘅我都好支持佢，其實所謂嘅山頭文化，我哋唔會去理，做好自己。尤其我自己嘅感覺，就係你覺得需要我咪嚟搵我，我就無乜所謂嘅。至於加人工，其實同全香港一樣喇，你話要同艱苦，我哋同你共艱苦，但係好景嘅時候有無加到呀？大家心知肚明喇，哈哈！」

除了山頭文化和人工，其實工時長也是TVB經常被拿出來的話題，有不少藝人都試過連踩兩三日，劉江老師就咁睇：「其實電視係咁樣嘅，不過我都好反對，因為我呢一代以前都已經捱過，而家去到後生呢代，希望唔好好似我哋以前咁捱，生活正常啲，有家庭嘅就應該有返家庭生活，咁先係正常。所以我都成日同公司講，我話新一代唔應該咁，公司應該向前進，應該改，無理由仲要佢哋去捱，我（嗰一代）已經捱咗。」其實當一個又一個的藝人同事都這樣發聲的時候，TVB係咪真係要諗諗呢個問題呢？