[多圖]韓國最靚女子足球員李玟娥 加盟日本INAC神戶雌獅靚腳唔粗
韓國運動員一向多靚仔、靚女，今日就輪到韓國女足李玟娥（韓文：이민아）加盟日本INAC神戶雌獅，佢對腳唔粗之餘，更愛穿黑絲，絕對睇得又踢得！之前因為韓國舉行2017世界大學運動會（又稱：世大運），同大家介紹過韓國仙氣劍撃代表尹智秀、國家足球隊門將劉嘉恩、最有力繼孫延在之後，成為體操女王嘅金彩妍，以及柔道女將權宥情，位位都係有樣又有實力嘅運動員！
韓國足球人才輩出，有曾效力曼聯嘅朴智星、擁有北韓、南韓雙重國籍嘅鄭大世、曾出演《Running Man》嘅池笑然，以及現正效力英超熱刺嘅孫興慜，粒粒都係非常有名嘅球星！今日就想同大家介紹韓國女子足球隊靚女李玟娥，年僅26歲嘅李玟娥喺2015年嘅東亞盃表現相當搶眼，當時仲協助球隊獲得2連勝！不過李玟娥私底下一面更為可愛，平時佢都其他韓國靚女一樣，愛喺Instagram上分享個人照片，仲有6.7萬followers，但李玟娥就好謙虛咁講過：「自己好醜，隊友都好靚！」
更多李玟娥靚相
李玟娥除咗有樣之外仲好有實力，今日李玟娥就喺自己Instagram宣佈正式加盟「日本女子足球隊INAC神戶雌獅」，仲着住AC神戶雌獅17號波衫，又寫下「請多多支持玟娥醬」，非常可愛！之後，李玟娥喺接受訪問時仲自爆唔識煮飯，又帶埋韓國嘢食去日本。估計李玟娥喺日本住宿嘅儲糧一定少不了泡菜、杯麵以及其他韓國家常伴菜等！
李玟娥入球片段
下載《香港01》App，更多韓星靚相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/