【收視分析師】數據大滯後 延遲兩周仲有咩作用？
撰文：溫菁莉
出版：更新：
歡迎收睇逢星期二《收視分析師》，係呀由今個星期開始呢個專題會由星期三改到星期二，有睇開嘅讀者可以留意返。上個星期就講到而家收視有有新計法——7天跨平台總收視點。但最好笑嘅就係TVB由過往公佈上星期收視演變成現在公佈上2個星期。所以今天TVB下午的收視數據仲係講緊1月第二嗰星期，真係耐到呢…
相關文章：【收視分析師】收視又有新玩法 ViuTV同奇妙幾時先肯公布收視？【收視分析師】「是非精」夠癲夠嘈 《學是學非》收視廿點無難度
但今日循例都照講講收視喇，《誇世代》係「7天跨平台總收視點」統計之下，大結局有29.5點，係開劇最高收視嘅一集。呢個數字真係好耐都無見過，始終近年台慶劇例如去年的《幕後玩家》以及前年《致命復活》，平均收視分別只有25點同20.5點時，學馬明話齋，「26，7點好x高！」當一套劇出動晒所有藝員，製作成本高達5,000萬元，都只係得呢個收視嘅時候，相信TVB真係是時候反省下，唔係推晒所有人出黎就一定爆，我大膽推算大結局咁爆係因為最後一幕有佘詩曼客串。
BTW有睇琴晚嘅台慶頒獎禮上《最佳劇集》竟然係《誇世代》拎到嘅時候，全台藝員都O嘴時，但劇集原來真係有咁高收視，拎到呢嗰獎項又真係符合國情喎(好似係)。但自從用咗新方法記錄收視之後，大家要隔兩個星期先知道上兩個星期節目嘅成績，究竟作用係乜呢？唔通係要淡化收視對觀眾嘅影響力?