【萬千星輝】王浩信大熱做視帝 多謝TVB：銀行得雙位數搵咗我
撰文：郭敏玲
出版：更新：
今次「最佳男主角」競爭真係好激烈，結果都唔意外喇，就係王浩信。佢一知道係自己，臉上流露自信嘅笑容，佢都好似知道係自己係視帝。佢嘅得獎感言好長，直言係TVB做嘢都好似攞緊獎：「分享我生命，無限喜怒哀樂。」
然後佢就講自己心路歷程，多謝TVB係佢低潮時幫助好多：「TVB 8係我雙位數嘅時候搵咗我做，我諗C君都知。佢喺我雙位數嘅時候，搵咗我做音樂主持，令到我由冇錢做到爆咗SHOW，雖然TVB 8就快冇，但唔緊要，我都好多謝。」
最後佢略有哽咽多謝父母：「我咁多年一蚊都冇拎過返屋企，但你哋我任性落去，真係好多謝你！然後我多謝太太YOYO，你將屋企照顧得好好。再多謝我爺爺。」
相關文章：
【萬千星輝】唐詩詠終奪女主角 喊住多謝田蕊妮：聽我呻又陪我瞓
+7