【萬千星輝．紅地氈】馮盈盈紫色TUBETOP好正　朱晨麗側身冇得輸

今晚就是TVB「萬千星輝賀台慶」，特意等到一月才舉行，其實基本內容沒有太大分別。重點都是主要獎項，以及好多嘢睇嘅紅地毯！雖然去年TVB無故頒布「禁色令」，但11月台慶證明影響不大，女藝人依然V照deep，背照露。而今日頒獎典禮咁大日子，當然唔好畀佢停，，一齊睇下有啲咩靚人靚衫！

其實一開頭都有好多女星著得幾密實，似乎都冇咩睇頭，但係見到馮盈盈同埋朱晨麗，實在太眼前一亮！Crystal佢一身紫色tube top，大方得嚟又有啲性感，就咁撼嬴咗其他女星！不過咪住，見到朱晨麗都會嘩一聲！佢一身deep V 喱士上身，見到佢完美嘅身材，側一側身，正呀！

反觀一直性感開嘅高Ling，佢自從上次話唔再性感之後，佢今次著咗一身金色入膊連身裙，雖然疑似真空，但係相比其他女藝員，好似差少少喎！