KOL游大東網上投票結果反映民意　《降魔的》民間票選成大贏家

無綫《萬千星輝頒獎禮2017》今晚就會舉行，各個獎項結果即將揭曉。而今年於網絡上亦有兩個全民投票的選擇，分別由兩位民間的電視博客，以深度分析出名的游大東以及方以文於facebook上舉行的民選頒獎活動，投票結果當然可以反映出民意。而兩個頒獎禮的票選結果，《降魔的》均成為大贏家。

於游大東的頒獎活動中，何遠東憑《降魔的》龍貓一角贏得「男配角獎 (劇集)」，劉佩玥就憑《降魔的》啤啤一角贏得「女配角獎 (劇集)」，而《降魔的》就贏得「劇集獎」，男女主角則至截稿時仍未公布。至於方以文的票選中，就由《降魔的》贏得「民選最佳劇集」、「民選最佳劇本」，馬國明憑《降魔的》馬季一角贏得「民選最佳男主角」，宣萱憑《不懂撒嬌的女人》凌敏一角贏得「民選最佳女主角」，「民選最佳男配角」由胡鴻鈞於《降魔的》演石敢當奪得，「民選最佳女配角」就由林淑敏於《愛回家之開心速遞》演的龍力蓮奪得。

游大東接受香港01記者電話訪問時坦言，預計民間票選結果同大台頒獎禮結果會有出入，他說：「尤其是我哋嘅劇集獎係《降魔的》、男配角獎係何遠東，女配角獎係劉佩玥，呢樣嘢其實好睇獎項投票人嘅動員能力，同埋個評分，因為我哋唔係一人一票制，而係一人多票，所以可能係會有啲出入。我哋都feel到TVB未必想《降魔的》攞咁多獎。」

他又分析男女配角走勢：「咁至於何遠東大比數贏到男配角獎，我就覺得TVB未必會頒畀佢，因為TVB太多考慮喇。另外劉佩玥攞女配角獎，其實佢同大小姐 (林淑敏飾) 差好少分數，如果佢喺TVB有份爭獎，仲會唔會係大小姐贏呢？咁即係暗示TVB會頒畀大小姐啦。劉佩玥喺TVB無得入圍女配角，我覺得好可惜，睇到民意好想佢攞。」