鍾欣潼37歲生日食足幾日蛋糕　好姊妹蔡卓妍同何超蓮孖住賀壽　

今日是鍾欣潼 (阿嬌) 37歲正日生日，雖然阿嬌年紀都唔細，不過她的靚樣真係十年如一日㗎，keep得勁好。而今年阿嬌的生日除了有家人朋友以及粉絲網民的祝福，當然仲有她那位有醫界王陽明之稱的男友賴弘國甜蜜祝賀啦。而阿嬌個好姊妹蔡卓妍 (阿Sa) 亦第一時間將她與阿嬌慶祝生日的靚相上載到instagram，同大家開心share，而阿嬌另一位好友何超蓮都有一齊賀壽。

阿Sa於ig留言表示：「我親愛的小嬌嬌，生日大快樂!祝妳身體健康、事事順利，從18號開始陪妳切蛋糕到正日生日，哈哈!每個蛋糕都好好吃。」而容祖兒亦有留言祝賀阿嬌：「my公主Happy birthday!!祝妳永遠最幸福最快樂。」阿Sa仲於IG動態上載了一條短片，片中超蓮對阿嬌說：「生日快樂!」阿Sa就扮晒詐型表示：「喂，你知唔知個蛋糕幾難送過嚟。」好搞笑。