官恩娜仔仔主動要求食榴槤　一試即刻擰晒頭：I don't like it

榴槤呢種水果雖然有果王的美譽，不過真係不是人人都識欣賞㗎，好似官恩娜（Ella）個兩歲多大的仔仔BéBé G咁，就講到明畀媽咪知他不喜歡榴槤喇。現已懷有第二胎陀住9個多月BB的Ella，在待產呢段期間都依然親力親為照顧大仔，而且亦同之前一樣不時將她同仔仔的生活片段放上網同大家開心share。這日她就於她的IG限時動態上載了一段影住BéBé G坐車時「品嘗」榴槤的短片，Ella將段片改名為「有眼不識貓山王」，好搞笑，估不到Ella坐車都帶住一盒榴槤喺身，唔通她好鍾意食榴槤？

片中的BéBé G用流利的英文問Ella：「Can I have durian mama？」Ella就答仔仔：「Sure！」之後就遞上一袋用保鮮盒裝住的榴槤給仔仔。BéBé G拿住袋榴槤同伸個頭埋去聞了聞再問媽咪：「Can I open？」Ella又再答仔仔：「Sure！」就拿了一件榴槤遞給仔仔餵他吃，點知BéBé G個嘴仔一掂到件榴槤，即刻用手仔抹個嘴，仲向後縮兼擰擰頭表示：「I don’t like it。」不過都keep住甜笑，好可愛呀。