曾志偉開記招否認曾性侵：再忍只會令網絡暴力愈來愈嚴重
撰文：黃梓恒
出版：更新：
藝人曾志偉近來可謂是非不斷，早前媒體翻炒藍潔瑛當年受訪片段，訪問中提及自己被性侵，矛頭直指向曾志偉，志偉即使發了聲明澄清亦難擋流言。不單如此，之後還有「中國女模教母」韓穎華再插一刀，指其性侵事件不止一次，周身蟻的曾志偉終於決定在今日舉行突發的記者會。
相關文章：
+2
他在律師陪同下，在記招上說：「最近在網絡有好多針對住我嘅不實報告，嚴重影響我聲譽，甚至連身邊嘅朋友同家人都有影響，我覺得有必要出嚟澄清。完全偽造！尊重女性係我原則，我願意接受任何調查；不實指控，採取咗法律行動，已經有法律程序進行。而說明星足球隊利用球賽，實則尋歡的指控，我們在2006年已經作出指控，並勝訴，但估唔到咁多年後仲有人拎出嚟抹黑。我希望法律可以還我一個公道，但更加希望網絡對我嘅抹黑盡快停止。網絡當然可以帶畀我哋好多好處，但好多不良嘅人會利用佢做出一些抹黑嘅事，唔希望再會有呢啲事發生。」
「今次呢件事令我深深明白，如果對造謠同傳謠者忍讓，只會令網絡暴力愈來愈嚴重，真相愈難見天日。網絡造成嘅影響係一時，但對相關人嘅傷害係一世，我希望呢啲事愈來愈少，由於呢件事已經進入司法程序，我之後都唔會再講。」
+12