【熱血街舞團】陳偉霆銀髮潮Look型過鹿晗？ 城城27年前已玩過
撰文：陳浩賢
出版：更新：
內地Hip Hop真人騷《中國有嘻哈》，播出後熱爆中港兩地，更掀起了一片Hip Hop熱潮，而該節目組的製作團隊，乘勝追擊，製作全新街舞節目《熱血街舞團》，而參加的星級街舞導師，就分別有陳偉霆、鹿晗、王嘉爾及宋茜，不過節目未開始前，陳偉霆已被質疑跳舞能力，掂唔掂就要鬥過先知，正所謂「輸人唔輸陣」，陳偉霆就先來個銀髮新造型，以求先聲奪人，贏個勢先。
內地年青一線小生，陳偉霆和鹿晗可謂鬥個難分難解，二人的顏值、演技，一直是粉絲談論的地方，現在二人同場演出，肯定有不少展示高超「舞功」的機會，而激鬥之前當然要搞搞個造型，而陳偉霆就破天荒染了一頭銀白頭髮，左右分界更有點似《龍珠》的杜拉格斯，真係型到爆裂，咪住，為何這個造型熟口熟面？
相關文章：
【熱血街舞團】陳偉霆跳舞實力被質疑 國際名排舞師加入提升水準
《熱血街舞團》再趕HipHop熱 陳偉霆夥拍鹿晗成跳舞導師？
+6
潮流嘅嘢，雖然不是人人都識，但陳偉霆這個造型，在劉德華、郭富城擔正的電影《91神鵰俠侶》中，城城飾演的銀狐，就是一個銀白色的杜拉格斯頭，只要將二人對比一下，就會發現造型一模一樣，再睇返個戲名就知是1991年的作品，即是27年前的銀髮造型，到今時今日都仲work，隨時會令鹿晗、王嘉爾嚇一跳，贏個頭彩。