【開心速遞】大小姐人善被人欺 決心成為全公司最恐怖嘅人再掌權
撰文：張嘉敏
出版：更新：
無綫處境劇《愛．回家之開心速遞》入面最受歡迎角色之一的龍力蓮大小姐（林淑敏飾），原本以夠惡夠巴辣出名，不過隨住她近期性格變得比以前友善少少後，她在公司就愈來愈失勢喇。原來身為公司管理層，要夠恐怖夠得人驚先至夠Power㗎，至少大小姐係咁諗。昨晚播出的一集就講大小姐要同Jenny（陳偉琪飾）鬥過，竟然是要鬥得人驚，要令公司的同事懾服於自己。陳偉琪仲講了句金句：「喺一間公司要得人尊敬好難，不過要人驚就容易得多喇！」作為上司，下屬驚自己就自然會聽聽話話，不敢犯錯啦，大家公司又有無啲好鍾意靠惡的上司呢？
昨晚劇情講到KC（歐瑞偉飾）遭Jenny和John陷害後繼續被打入「冷宮」，仲冷到病咗，而大小姐就被逐漸奪取權力，沒有KC輔助之下的她決心要重掌權力。Jenny就趁此時在公司橫行無忌，行為比以前的大小姐更兇惡更野蠻，令同事們都懼怕她，已經怕她多過怕大小姐，Jenny成為了全公司最恐怖的人。於是大小姐就宣布：「比以前恐怖10倍嘅龍力蓮，即將誕生。」實行要令員工對她聞風喪膽，由畏生敬！其實做上司要夠惡夠得人驚真係有用咩？
【開心速遞】欣欣返工淨係玩電話 大家公司有無啲白出糧嘅同事？
【開心速遞】KC不惜被屈都唔想連累所愛 甘願被降職做初級文員
+6